Zëdhënësi i Departamentit Amerikan të Shtetit Ned Price, ka deklaruar se SHBA është e zhgënjyer me liderët e Kosovës dhe Serbisë, pas dështimit të negociatave në Bruksel.
Në një deklaratë në faqen zyrtare të DASH-it, Price bëri thirrje që kryeministri i Kosovës Albin Kurti dhe presidenti serb Aleksandër Vuçiç të bashkëpunojnë me përfaqësuesin e Lartë të BE-së, Borell dhe përfaqësuesin Special të BE-së Lajçak për të arritur një kompromis.
““Shtetet e Bashkuara janë të zhgënjyera që liderët e Kosovës dhe Serbisë nuk arritën të bien dakord sot me Përfaqësuesin e Lartë të BE-së Borrell për zgjidhjen e krizës aktuale në Kosovë. Ne i bëjmë thirrje kryeministrit Kurti që të punojë me Përfaqësuesin e Lartë të BE-së Borrell dhe Përfaqësuesin Special të BE-së Lajçak për të arritur një kompromis të drejtë”, thuhet në deklaratë.
Më tej DASH shton se Kurti dhe Vuçiç do të duhet të bëjnë lëshime për të siguaruar paqen e fituar me dekada të vështira.
